კარიერული ნავიგაცია ციფრულ ეპოქაში - მასტერკლასი CIU-ში

 ვორქშოპის მიზანს წარმოადგენდა სტუდენტებისთვის დასაქმების თანამედროვე ეკოსისტემის გაცნობა სამი ურთიერთდაკავშირებული პერსპექტივიდან. ღონისძიებაზე ხაზი გაესვა დასაქმების სრულ ჯაჭვს: სისტემაში მოხვედრას რეკრუტინგის ტექნოლოგიების მეშვეობით, ციფრულ ადაპტაციასა და ბიზნეს-ღირებულების შექმნას სტრატეგიული ხედვის გამოყენებით;

 შეხვედრაზე სამმა დარგობრივმა ლიდერმა საკუთარი გამოცდილება სტუდენტებს შემდეგი მიმართულებებით გაუზიარა:

 HR Thoth - გიორგი ხარატიშვილი (Chief People & Product Officer):

სპიკერმა ყურადღება გაამახვილა რეკრუტინგის ტექნოლოგიებზე, ATS სისტემების მუშაობის პრინციპებსა და ხელოვნური ინტელექტის როლზე კანდიდატების პირველად გადარჩევაში;

 Octarinox - ლევან ყიფიანი (COO - საოპერაციო დირექტორი):

მიმოიხილა ციფრული ინდუსტრიის სტანდარტები, ტექნოლოგიური ბაზრის მოთხოვნები და პროფესიული ციფრული იდენტობის მართვის აუცილებლობა;

 MAVEN - ლუკა ბაქრაძე (დამფუძნებელი და მმართველი პარტნიორი):

ისაუბრა ბიზნეს-აზროვნებისა და სტრატეგიული ხედვის კრიტიკულ მნიშვნელობაზე ნებისმიერი სპეციალისტისთვის თანამედროვე ბიზნეს-პროცესების მართვაში;

 ღონისძიების ინტერაქტიულ ნაწილში ჩატარდა ვიქტორინა, რომლის შედეგადაც სტუდენტებმა მიიღეს HR Thoth-ის ინოვაციური პაკეტები;

 სამ გამარჯვებულს გადაეცა Premium AI პაკეტი: აღნიშნული პაკეტი განკუთვნილია „Power User“-ებისთვის და მოიცავს AI მოდელების შეუზღუდავ გამოყენებას, პრიორიტეტულ მხარდაჭერასა და ისეთ მოწინავე ფუნქციებს, როგორიცაა ხელფასზე მოლაპარაკების ასისტენტი (AI Salary Negotiation) და კარიერული ჩატ-კონსულტანტი (AI Career Chat Assistant);

 ყველა დანარჩენ მონაწილეს გადაეცა Pro AI პაკეტი:

სრულყოფილი ციფრული ასისტენტი კარიერული განვითარებისთვის, რომელიც მოიცავს:

 AI CV Analyzer: რეზიუმეს დეტალური ანალიზი;

 AI Interview Preparation: მომზადება ინტერვიუსთვის;

 AI Job Analyzer & Matching: ვაკანსიებთან შესაბამისობის დადგენა;

 AI Cover Letter Generator: სამოტივაციო წერილების გენერაცია;

 AI Profile Analyzer: პროფესიული პროფილების ოპტიმიზაცია;

 გარდა ციფრული პაკეტებისა, სტუდენტებმა მიიღეს პრაქტიკული მხარდაჭერის პირობა პარტნიორი კომპანიებისგან:

 Octarinox: სტუდენტებს შესთავაზა სტარტაპ იდეების მხარდაჭერა ტექნიკური მიმართულებით და პერსონალური მენტორინგი;

 MAVEN: მონაწილეებს ჩაუტარებს პრაქტიკულ კარიერულ მასტერკლასს;

 MAVEN უზრუნველყოფს - ბუღალტრული აუთსორსინგის მომსახურებას სტუდენტურ სტარტაპებში; ღონისძიების ფარგლებში გაფორმდა ურთიერთთანამშრომლობითი მემორანდუმი, რომლითაც ოფიციალურად დადასტურდა მხარეთა მზაობა სტუდენტების პროფესიული განვითარების ხელშეწყობაზე. მემორანდუმს ხელი მოაწერეს HR Thoth-ის კომპანიის აღმასრულებელმა დირექტორმა (CEO) - დავით კილაძემ და კავკასიის საერთაშორისო უნივერსიტეტის რექტორმა კახაბერ კორძაიამ.