დიახ
არა
UNI4VERSE_ ის კონკურსზე რეგისტრაცია გრძელდება!
CIU-ში საინფორმაციო შეხვედრა UNI4VERSE საუნივერსიტეტო კონკურსი მწვანე ტექნოლოგიების შესახებ გაიმართება პარასკევს, 11 ოქტომბერს, 12 საათზე, 405-ე აუდიტორიაში.
პროექტის მიზანია გაზარდოს უნივერსიტეტებისა და სტუდენტების დაინტერესება ინოვაციებისა და ტექნოლოგიების მიმართ, ასევე გამოავლინოს წლის საუკეთესო უნივერსიტეტი.
2024 წლის მთავარი თემა არის „მწვანე ეკონომიკა და განახლებადი რესურსები“. პროექტი ორიენტირებულია მწვანე ეკონომიკის გამოწვევებისა და პრობლემების გადაჭრაზე, ინოვაციური სტარტაპ იდეების ჩამოყალიბებაზე და ფინალურ საუნივერსიტეტო კონკურსზე.
მონაწილეობის წესები და პირობები:
პროექტში მონაწილეობის უფლება აქვთ სახელმწიფო და კერძო უნივერსიტეტების ბაკალავრიატისა და მაგისტრატურის აქტიური სტატუსის მქონე სტუდენტებს;
თითოეული გუნდი დაკომპლექტებული უნდა იყოს 4 სტუდენტისგან;
რეგისტრაციისას გუნდს უნდა ჰყავდეს მენტორი ან ხელმძღვანელი (მაგ., მოწვეული ლექტორი, აკადემიური პერსონალი, სამეწარმეო/კვლევითი ცენტრის თანამშრომელი და სხვ.);
ერთ მენტორს შეუძლია იყოს რამდენიმე გუნდის ხელმძღვანელი ერთდროულად შიდა იდეების კონკურსის პერიოდში.
კონკურსი შედგება 3 ეტაპისგან.
ჟიური გუნდებს შეაფასებს შემდეგი კრიტერიუმების მიხედვით:
ინოვაცია და კრეატიულობა
კომერციალიზების პოტენციალი
მასშტაბირებადობა
პროტოტიპი
პრეზენტაცია
გუნდი
UNI4VERSE საუნივერსიტეტო კონკურსზე რეგისტრაცია იწარმოებს 31 ოქტომბრამდე.