ბიზნეს ინკუბატორი არის ბიზნესის ფაკულტეტის სტუდენტებისთვის და კურსდამთავრებულებისთვის შექმნილი პროგრამა, რომელიც მიზნად ისახავს ხელი შეუწყოს ფაკულტეტზე შეძენილი ცოდნის პრაქტიკულ გამოყენებას.

ინკუბაციის პროცესი მოიცავს შემდეგ ეტაპებს:

• გუნდების ჩამოყალიბებას;
• ბიზნეს იდეების შერჩევას და შესაბამის ბიზნეს მოდელების ჩამოყალიბებას;
• ბიზნეს იდეის შესაბამისად სამოქმედო და ბიზნეს გეგმების შედგენას;
• მენტორის მეთვალყურეობის ქვეშ სხვადასხვა ტიპის პრაქტიკული აქტივობების ჩატარებას, რომელიც ხელს შეუწყობს პირველადი ბიზნეს პროდუქტის ჩამოყალიბებას;
• პოტენციური კომპანიის ბრენდ ელემენტების შედგენას.

ბიზნეს ინკუბატორში მოხვედრა მოხდება კონკურსის საფუძველზე.

ინკუბაციის პროცესი დაიყოფა 3 ეტაპად.

ყოველი ეტაპის ბოლოს მოხდება შედეგების გაანალიზება და წარმატებული გუნდების გადაყვანა მომდევნო ეტაპზე. ბოლო ეტაპამდე მისული გუნდები წარდგებიან კომისიისა და მოწვეული სტუმრების წინაშე და შეირჩევა გამარჯვებული გუნდი.

გამარჯვებული გუნდი მიიღებს ფულად ჯილდოს, რომელიც დაეხმარება მათ იდეის განხორციელებაში.

აქტიურად ადევნეთ თვალი კავკასიის საერთაშორისო უნივერსიტეტის ვებ-პლატფორმებს: ოფიციალურ ვებ-გვერდსა და facebook გვერდს, ასევე საინფორმაციო დაფებს, რათა მიიღოთ ამომწურავი ინფორმაცია ბიზნეს ინკუბატორის პროექტის დაწყების, განხორციელებისა თუ მიმდინარეობის ყველა ეტაპზე.