დიახ
არა
26 ნოემბერს, კსუ-ს ბიბლიოთეკის საკონფერენციო დარბაზში, უნივერსიტეტის კარიერული განვითარების სამსახურის ორგანიზებითა და კომპანია კარფურის პერსონალის შერჩევის დეპარტმანეტის ხელშეწყობით, მასტერკლასი თემაზე: „კარიერა საერთაშორისო საცალო გაყიდვების სფეროში“ გაიმართა.
მასტერკლასს, პერსონალის შერჩევის დეპარტამენტის ხელმძღვანელი - ნინო გეგეშიძე წარუძღვა, რომელმაც კომპანიაში კარიერულ კიბეზე, განვითარებასა და მიმდინარე ვაკანსიებზე ისაუბრა. მან სტუდენტებისაგან ის კონკრეტული მოლოდინებიც მოისმინა, რაც კომპანიაში დამწყებ პოზიციაზე სამუშაოს მაძიებლებს გააჩნიათ. მომხსენებელმა შეკრებილ სტუდენტებს 1992 წელს დაარსებული ჰოლდინგის ’’Majid Al Futtaim’’-ის შესახებაც მიაწოდა ინფორმაცია.
შეგახსენებთ, რომ კარფური, ჰიპერმარკეტებისა და სუპერმარკეტების ერთ-ერთი უმსხვილესი ქსელია, რომელიც 1995 წელს, მაჯიდ ალ ფუტაიმის (’’Majid Al Futtaim’’) მიერ შუა აღმოსავლეთის და ჩრდილოეთ აფრიკის (MENA) ბაზარზე იქნა წარმოდგენილი.
მასტერკლასის დასასრულს, კომპანია კარფურში არსებული ვაკანსიებით დაინტერესებულმა ახალგაზრდებმა, სპეციალური სააპლიკაციო ფორმებიც შეავსეს.