დიახ
არა
1 დეკემბერს კავკასიის საერთაშორისო უნივერსიტეტის კარიერული განვითარების სამსახურის ორგანიზებით დისტანციური დასაქმების ფორუმი ჩატარდა. დასაქმების ფორუმი ონლაინ პლატფორმა ZOOM-ს გამოყენებით გაიმართა და მასში მონაწილეობა მიიღეს სამსახურის მაძიებელმა სტუდენტებმა, კურსდამთავრებულებმა და პოტენციურმა დამსაქმებლებმა საჯარო და კერძო სექტორიდან. ფორუმი ჩატარდა ორ ნაწილად:
I ნაწილი - ყველა ფაკულტეტის სტუდენტებისთვის და კურსდამთავრებულებისთვის;
II ნაწილი - მედიცინის ფაკულტეტის სტუდენტებისთვის და კურსდამთავრებულებისათვის.
ფორუმის პირველი მონაწილეობდა: საქართველოს პარლამენტი, საქართველოს შინაგან საქმეთა სამინისტრო, სსიპ - აღსრულების ეროვნული ბიურო, სსიპ - შემოსავლების სამსახური, სსიპ-სახელმწიფო სერვისების განვითარების სააგენტო, საქართველოს გენერალური პროკურატურა, შპს ტელეიმედი, ს.ს თბილღვინო, შპს ციტადელი, სადაზღვევო კომპანია ევროინს ჯორჯია და სხვა.
მეორე სესია დაეთმო სამედიცინო სექტორის რამდენიმე მსხვილი დამსაქმებლის პრეზენტაციას, მათ შორის ევექსი ჰოსპიტლებს, რომელიც აერთიანებს 18 ჰოსპიტალს, ფარმაცევტული კომპანია გეფა (ფარმადეპო და ჯიპისი), რომელიც აერთიანებს 300-ზე მეტ აფთიაქს, და ნეოფარმა+ 60-მდე ფილიალით. დასაქმების ფორუმის მიზანია, ხელი შეუწყოს სტუდენტებისა და კურსდამთავრებულების დასაქმებას. პრეზენტაციის ფარგლებში, სტუდენტები გაეცნენ დამსაქმებლის მიერ შეთავაზებულ ვაკანსიებს. მიიღეს დეტალური ინფორმაცია კომპანიების საქმიანობის, სამუშაო განრიგის, ანაზღაურებისა და სხვა პირობების შესახებ.